Encarnación Margarita Isabel Verdugo Díez , conocida popularmente como Margarita Landi, foi una periodista española.
Carrera profesional Margarita Landi foi una de les primeres muyeres en especializase nel xéneru periodísticu informes criminales, que tradicionalmente yera restrinxíu a los homes. La so diplomatura en criminoloxía ayudola a destacar nesti campu.
Viuda a los 29 años, la so carrera entamó darréu. Depués la Guerra Civil Española, Landi trabayó na revista de la Sección Femenina, El Ventanal, ente 1947 y 1948. D'equí pasó a La Moda de España (1948–1954), como cronista d'alta costura y sociedá, contribuyendo tamién al diariu Informaciones y a la revista Esfera Mundial.
En 1955 xunióse al diariu El Caso, que se fundara precisamente tres años enantes por Eugenio Suárez, onde permaneció 25 años. Foi dende esi momentu que se caltenía cola imaxe pola que yera conocida: una sofisticada y reflexiva muyer rubia que fumaba una pipa y corría a los sitios de crímenes nun Volkswagen negru.
Landi tenía unes excelentes relaciones cola policía que-y permitieron l'accesu a información detallada de los casos más llamativos pal públicu. Dacuando referíense a ella como "subinspector Pedrito" pa disimular la so participación nes investigaciones oficiales. Tamién yera conocida como "la rubia del deportivu" y "la dama del crime". El so empeñu al esaminar los escenarios de los crímenes y entrevistar a los testigos foi comparáu col de Truman Capote.
Depués de la desapaición d'El Caso, Landi empezó a escribir pa la revista Interviú n'avientu de 1980, y en 1988 fizo'l saltu a la televisión coles sos apaiciones esporádiques en programes de Televisión Española, como La palmera (1991), Código uno (1993–1994) y Así son las cosas (2000–2002). Tamién dirixó y presentó'l so propiu programa en Telemadrid: Mis crímenes favoritos.
Landi escribió dellos llibros, como Cosas de la vida, Una mujer junto al crimen, Crímenes sin castigo, Puerta del Sol, 2.30, Crónica sangrienta y Memorias. 35 años de crimen en España.
N'avientu de 2002 Margarita Landi retiróse del periodismu. Morrió en 2004 a los 85 años nuna residencia d'ancianos n'Albandi.
Referencies
Enllaces esternos
Categoría:Periodistes d'Andalucía Categoría:Criminoloxía Categoría:Persones de Málaga