Guillermo García-Alcalde Fernández foi un periodista, musicólogu y compositor asturianu. Sicasí, la mayor parte de la so carrera fízola en Canaries.
Biografía Fizo primero estudios de Derechu na Universidá d'Uviéu, anque se matriculó darréu nel Conservatoriu de Música d'Uviéu, estudiando pianu. Tamién estudió periodismu, matriculándose en 1965 y faciendo los estudios a caballu ente La Laguna y la Complutense de Madrid, al mesmu tiempu que siguía cola crítica musical na prensa diaria d'Asturies. Algamó'l grau de ciencies de la información, títulu que se suma a la llicenciatura en Derechu y el grau profesional de profesor de pianu que yá tenía.
Nel mundu del periodismu entamó como críticu musical en La Nueva España. Darréu dedicóse profesionalmente al periodismu, tanto en LNE como n'Asturias semanal. En 1966 entró na redacción de La Provincia, periódicu de Les Palmes de Gran Canaria recuperáu de recién. Foi, ente otros cargos, direutor d'esi periódicu de 1972 a 1977 y tamién direutivu d'Editorial Prensa Canaria dende 1978.
Vivió la mayor parte de la so carrera profesional nes islles Canaries, onde morrió'l 15 de mayu de 2023 a los 82 años.
Referencies
Enllaces esternos
Categoría:Periodistes d'Asturies Categoría:Musicólogos y musicólogues d'Asturies Categoría:Compositores d'Asturies Categoría:Persones de Valdés Categoría:Alumnáu de la Universidá d'Uviéu