Francisco Pol Méndez , conocíu como Paco Pol, foi un arquiteutu y sociólogu asturianu especialista en recuperación de cascos históricos.
Biografía Nació n'Uviéu en 1948. Estudió na Escuela Técnica Cimera d'Arquitectura de Madrid onde tamién dio clas. Especializóse en centros urbanos antiguos y en patrimoniu históricu. Dende 1975 realizó planes especiales de protección ya intervenciones nos cascos históricos d'un bon númberu de ciudaes asturianes y españoles: n'Uviéu construyó'l Palaciu de Xusticia, en Madrid, remozicó la Plaza Mayor; en Cáceres la so ciudadela; en Cuenca la ciudá alta, onde tamién dirixó dellos cursos de patrimoniu históricu entamaos pola Universidá Internacional Menéndez Pelayo; amás de trabayar nos cascos históricos de Santiago de Compostela, Barcelona, Valladolid, Córdoba, Segovia, Ciutadella de Menorca, Ponferrada, Huelva y Huesca.
En Xixón realizó diverses intervenciones: Cimavilla (1985) y la so muralla romana (2009), L'Atalaya, la Torre del Reló, el puertu deportivu y la reforma de la Plaza Mayor. Amás, Pol Méndez encargó a Eduardo Chillida, la realización de la obra que se convirtió nel símbolu de la ciudá asturiana: l'Elogio del Horizonte (1990). Tamién realizó'l Plan Especial del Cascu Históricu de Llanes (1987) xunto col arquiteutu Alfonso Toribio Gutiérrez.
Finó en Madrid, onde moraba y tenía'l so estudiu dende diba décades, el 16 d'avientu de 2023.
Premios Ente otros, recibió los premios siguientes: Premiu Nacional d'Urbanismu d'España Premiu ANCSA (Asociación de Centros Históricos d'Italia) Premiu Comité Mediu Ambiente OCDE
Referencies
Enllaces esternos
Categoría:Persones d'Uviéu