Effat Nagy , conocida tamién como Effat Nagi, Effat Naghi o Effat Nagui, foi una artista exipciana que dedicó parte de la so obra a la esploración de la cultura exipcia.
Trayectoria Nació nel puertu mediterraneu d'Alexandría en 1905. Venía de una faneguera familia de terratenientes d'Alexandría. Tuvo accesu a una educación d'élite para una moza de la dómina y foi educada en casa en música, matemátiques y lliteratura francesa. Tamién empecipió nel dibuxu, la pintura y la música dende l'adolescencia. El so hermanu, el tamién artista Mohamed Nagy, reconoció'l talentu d'Effat Naghi y consiguió una tutora d'arte pa que-y enseñara en casa.
En 1937 llogró una beca a tiempu completu del Ministeriu de Cultura d'Exiptu, un llogru pocu habitual na dómina pa una muyer. A partir d'esi momentu, dedicóse a estudiar el patrimoniu de les distintes civilizaciones exipcies.
En 1945, casó col artista ya investigador Saad Al-Khadem en 1945. Dos años dempués, con 42 años, empezó la so formación artística formal. De 1947 a 1949 estudió escultura, pintura al frescu y artes decoratives na Academia de Belles Artes de Roma.Pioneers: Saad El-Khadem and Effat Nagy Museum: Recharge your inspiration, 2011, Daily News Egypt, Retrieved 16 September 2015 En 1949, Nagy conoció en París al pintor cubista André Lhote, que se convirtió nel so profesor mientres un añu introduciéndola nel cubismu y el fovismu. Nesa etapa, Naghi esploró xunto a Lhote l'arqueoloxía exipcia.Pioneers: Saad El-Khadem and Effat Nagy Museum, Youmna Salah, 1 January 2011, Masress.com, Retrieved 17 September 2015
Nagy representó a Exiptu na Bienal d'Arte de Venecia en 1950, 1952 y 1956. En 1964, el Ministeriu de Cultura exipciu encargó-y, ente otros artistes, que cavilgara sobro'l progresu de la construcción de la presa d'Asuán.
Parte de la so obra espúnxose nel Muséu d'Arte Moderno de París. Finó en 1994.
Legáu Creó n'El Cairu el Muséu de Saad El-Khadem y Effat Nagy que contién alredor de 200 de les sos pintures y cerámiques.Museum of Saad El-Khadem and Effat Nagy, cuipcairo.org, Retrieved 16 September 2015
Referencies
Enllaces esternos
Categoría:Artistes d'Exiptu Categoría:Persones d'El Cairu