Cayo Lara Moa ye un políticu español, miembru del Partíu Comunista de España y coordinador xeneral d'Izquierda Unida.
Agricultor de profesión, foi un de los impulsores del sindicatu COAG. Foi alcalde d'Argamasilla de Alba ente 1987 y 1999. Dende 2000 ye coordinador xeneral d'IX en Castiella-La Mancha. Como tal, foi una vegada (2007) candidatu a la presidencia de la Xunta de Comunidaes, ensin obtener escañu. Destacó na so rexón pola llucha na defensa d'una llei eleutoral más democrática y escontra la especulación del suelu, dando-y apoyu a la Casa'l Conceyu de Seseña escontra'l constructor Francisco Hernando, conocíu como El Pocero.
Na IX Asamblea Federal d'Izquierda Xunida, en payares de 2008, foi candidatu a Coordinador Xeneral, respaldáu pel PCE y otros sectores, obteniendo un 43% de los votos de los delegaos y siendo elixíu miembu del Conseyu Políticu Federal. Nel aconceyamientu d'esi órganu celebráu'l 14 d'avientu de 2008, foi elixíu como'l socesor de Gaspar Llamazares al frente de la organización, col 55% de los votos.
Ye republicanu.
Referencies
Enllaces esternos
Categoría:Persones de Castiella-La Mancha Categoría:Políticos y polítiques d'España Categoría:Comunistes