Jožef Pusztai , tamién conocíu como Jožef Pustaj, foi un escritor prekmuru, traductor, periodista, cantor, educador.
Biografía Nació na parte sur de Transmurania. El so nome real yera Jožef Pozderec.
Estudió na escuela pedagóxica de Čakovec (anguaño Croacia), onde también foi cantor. Trabayó como educador en Martjanci, cerca de Murska Sobota, mientres trenta y cinco años.
Ehí arrexuntó un estensu himnariu pa los católicos eslovenos n'Hungría, que se publicó en Budapest en 1893. El llibru contién un calendariu, un llibru d'oraciones y 526 poemes, incluidos 160 n'húngaru. Tomó munchos de los sos poemes d'antiguos manuscritos de los sieglos XVI y XVII, que tán escritos nuna llingua mista prekmuru-croata. Pusztai corrixó l'idioma y la melodía de los cantares antiguos.
Anque Pusztai fixo que'l so apellíu hungarizárase, nunca tuvo realmente a favor de la maxarización. Collaboró con Jožef Borovnjak, foi una figura clave nacional y líder políticu de los eslovenos n'Hungría.
La segunda obra más importante de Pusztai ye la creación del calendariu del Dober pajdás (Bon Amigu). Dober pajdáš foi una publicación popular ente la xente y contribuyó descomanadamente al desenvolvimientu del periodismu en llingua prekmura.
En 1919, sofitó a la República Soviética Húngara y editó un boletín informativu pal pueblu en prekmuru. Tres la Primer Guerra Mundial, retiróse a la vida privada y tornó a la so ciudá natal.
Referencies
Enllaces esternos
Categoría:Escritores en prekmuru Categoría:Pedagogos y pedagogues Categoría:Traductores Categoría:Periodistes d'Hungría