Białystok ye la ciudá más grande del nordeste de Polonia y la capital del Voivodatu de Podlaquia. Ye la décima ciudá más grande de Polonia con , la segunda en términos de densidá de población y la decimotercera en superficie.
Białystok ta asitiada cabo'l ríu Biała, a 200 km al nordeste de Varsovia, la capital del país. Históricamente atraxo migrantes d'otros llugares de Polonia y d'Europa, especialmente d'Europa Central y Europa del Este. Esto vese favorecíu pela cercanía a la frontera con Bielorrusia, que ye tamién la frontera oriental de la Xunión Europea, amás del Área Schengen. La ciudá y los conceyos vecinos constitúin l'área metropolitana de Białystok. La ciudá tien un clima continental de branu templáu, caracterizáu por branos templaos ya iviernos llargos y fríos. Los montes son una parte importante de la orografía de Białystok y ocupen alredor de 1846 hectárees (18% del área alministrativa de la ciudá), lo que la coloca como la quinta ciudá con más densidá de viesca de Polonia.
Los primeros colonos llegaron nel sieglu XIV. La villa creció y recibió la so carta municipal en 1692. Białystok foi tradicionalmente ún de los principales centros académicos, culturales y artísticos de Podlaquia, y el centru económicu más importante del nordeste de Polonia. Białystok foi enantes un centru importante de la industria llixera, lo que motivó un gran crecedera de la población de la ciudá. La ciudá sigue transformándose nuna ciudá moderna de tamañu mediu. En 2010, Białystok optó por participar pa ser Capital Europea de la Cultura en 2016 pero nun llegó a ser finalista.
Referencies
Enllaces esternos
Categoría:Llocalidaes de Polonia