El Freisnu ye una parroquia del conceyu asturianu de Grau. Asitiada na zona noroccidental del conceyu, na llende colos de Salas y Miranda, tien una estensión de Ajuste del mapa de parroquias. Mapa de entidades colectivas de población. Uviéu, SADEI, 2012. Actualizáu'l 1 de febreru de 2024. y una población de Nomenclátor del INE: Población del padrón continuo por unidad poblacional. (Institutu Nacional d'Estadística).. Estos tán repartíos ente l'aldea homónima y les aldees y llugares d'Alvaré, El Bondéu, La Caridá, Los Fornos, El Freisnu, Los Macetes, Las Novales y La Tronca. thumb|left|200px|Virxe de Nuestra Señora del Freisnu. Nel llugar d'El Freisnu s'alcuentra'l santuariu de Nuestra Señora. Tuvo gran importancia nos sieglos pasaos por causa d'atopase nun llugar onde se cruciaben el Camín de Santiagu y un ramal del Camín Real de la Mesa, y foi escenariu de grandes combates na Guerra de la Independencia. Los soldaos napoleónicos fortificaron la ilesia y valtaron la torre, cuadrada y de trés pisos, que tuvo que ser vuelta a facer en 1870. Nella hai dos campanes dedicaes a María y fundíes nel sieglu XVII. L'edificiu relixosu ye de traza barroca (sieglos XVII-XVIII), anque mui cambiada nos sieglos posteriores. De cruz latina, tien dellos retablos barrocos; d'ente toles pieces escultóriques que nella se guarden destaca un Cristu crucificáu. La imaxe de la titular de la parroquia ye contemporánea, de 1975, porque la qu'había primeru desapaeció nel añu 1936.
Anguaño la parroquia, que se creó en 1876, cuando se dixebró de la de Doriga, da nome a unu de los tres arciprestalgos nos que se divide, eclesiásticamente, el territoriu de lo que constitúi la Vicaría del Centru. A él pertenecen les 143 parroquies de los conceyos de Salas, Grau, Candamu, Tameza, Miranda, Somiedo, Teberga, Quirós, Santo Adriano y Proaza.
Llocalidaes
Sitios
Bibliografía Fernández Álvarez, Florentino, Guía para visitar los santuarios marianos de Asturias. Madrid, 1990, Editorial Encuentro.
Referencies
Enllaces esternos
L'arciprestalgu d'El Freisnu (páxina web de la diócesis d'Uviéu)
Freisnu, El