Petanjci (pronunciáu [pɛˈtaːntsi]; en prekmuru: Petajnci, n') ye una llocalidá del conceyu Tišina de Transmurania n'Eslovenia.
Tien una superficie de na que viven un total de , alcuéntrase a unos 196 metros sobre'l nivel del mar. Llenda coles siguientes llocalidaes n'Eslovenia: Krajna, Mele, Murski Petrovci, Radenci, Rankovci, Rihtarovci, Sodišinci, Šratovci, Tišina, Tropovci, Turjanci, Vanča vas. Llenda coles siguientes llocalidaes n'Austria: Sicheldorf. Alcuéntrase al oeste a 8 km de Murska Sobota, la capital de Transmurania, na llanada de la rexón (n'eslovenu ravensko), cerca del ríu Mura.
La llocalidá foi mentada per primer vegada en 1229 col nome de Pethenyegh. En 1348, l'aldega foi mentada como Petanicz. La mayoría de la población ye católica y pertenecen a la parroquia en Tišina.
Petanjci ye un asentamientu históricu bien importante en Transmurania. Ye posible que'l pueblu recibiera'l so nome d'un antiguu propietariu, un tal Petan. L'inventariu calteníu del castiellu de Petanjci, construyíu nel sieglu XIII, data de 1621 o 1627. Anguaño, nel so llugar namá pueden vese los restos d'ún atrincheramientu de 85 por 75 metros.
Los habitantes de Petanjci convirtiéronse a la fe luterana nel sieglu XVI. El pueblu apareció na prensa principalmente como abellugu pa los protestantes que, a finales del sieglu XVI, durante la Contrarreforma, fuxeron d'Austria y atoparon residencia temporal en Petanjci. Ente estos refuxados atopaba l'astrónomu Johannes Kepler.
En Petanjci hai dellos manantiales d'agua salao.
El pueblu pertenez a Eslovenia dende 1919. Un puntu d'interés de Petanjci ye la capiya n'honor al San Florianu, construyida en 1900 pa sustituyir a una antigua capiya de 1756. La segunda capiya foi construida en 1924 n'honor a la Virxe María Auxiliu de los Cristianos, en memoria de les víctimes de la Guerra Mundial.
El cementeriu contién la cripta de la familia Vogler. Dende 1868 el manantial de sal de Petanjci ye propiedá d'esta familia.
Nel xardín Vrt spominov in tovarištva dr. Vaneka Šiftarja en Petanjci (Xardín de l'Alcordanza y la Camaradería Dr. Vanek Šiftar) llantáronse árboles y parrotales de los llugares onde asocedieron acontecimientos importantes de la Segunda Guerra Mundial, d'Europa a Asia (de Noruega a Xapón), de los campos nazis y fascistes, lo mesmo que los centros d'afitamientu de la paz dempués del final de la Segunda Guerra Mundial.
Personaxes pernomaos Vanek Šiftar (1919–1999), abogáu, sociólogu, políticu, xurista Nika Zorjan (1992–), cantante
Referencies
Bibliografía
Enllaces esternos
Categoría:Llocalidaes de Transmurania