Edward Elric ye un personaxe ficticiu creáu pola mangaka xaponesa Hiromu Arakawa y ún de los dos protagonistas principales del manga Fullmetal Alchemist. Debutó nel primer capítulu de la serie en 2001.
Edward ye un alquimista adolescente que vive nel país ficticiu d'Amestris. Xunto al so hermanu Alphonse intenta devolver a la vida a la so madre mediante alquimia humana, un procedimientu prohibíu que fracasa y provoca que Edward pierda una pierna y un brazu.
Alphonse pierde tol cuerpu y Edward consigue fixar la so alma a una armadura. Los dos hermanos emprenden depués una busca de la piedra filosofal col oxetivu de recuperar los sos cuerpos originales.
Edward conviértese nel Alquimista Estatal más mozu d'Amestris y recibe'l nomatu de Fullmetal Alchemist. La historia foi adaptada a dos series d'anime, Fullmetal Alchemist (2003) y Fullmetal Alchemist: Brotherhood (2009).
Referencies
Enllaces esternos
Categoría:Personaxes de ficción