L'Ariane 62 ye una de les configuraciones del Ariane 6, un llanzador espacial européu desarrolláu pola Axencia Espacial Europea (ESA) y fabricáu principalmente por ArianeGroup. Estrémase de la configuración Ariane 64 pol usu de dos propulsores auxiliares sólidos acoplaos a la etapa central, frente a los cuatro emplegaos pola versión más potente.Ariane 6 overview, Axencia Espacial Europea.
La etapa principal ta impulsada por un motor criogénicu Vulcain 2.1, qu'utiliza hidróxenu líquido y oxíxenu líquido, mientres que la etapa superior emplega'l motor Vinci, capaz de volver a encendese nel espaciu. Esta capacidá permite realizar misiones complexes y colocar distintes cargues útiles en diferentes órbites.
Na configuración orixinal con propulsores P120C, l'Ariane 62 foi diseñáu pa poder colocar aproximadamente 10,3 t nuna órbita terrestre baxa y unes 4,5 t nuna órbita de tresferencia xeostacionaria.Ariane 6: what's it made of?, Axencia Espacial Europea.
L'Ariane 62 foi la configuración escoyida pal primer vuelu d'Ariane 6, realizáu'l 9 de xunetu de 2024 dende'l Centru Espacial de Guyana, en Kourou, Guyana Francesa. Esta versión ta destinada principalmente a misiones institucionales, científiques y comerciales que nun precisen la capacidá máxima de carga del Ariane 64.
Ver tamién Ariane 6 Ariane 64 ArianeGroup Vulcain 2.1 P120C
Referencies
Enllaces esternos
Categoría:Ariane Categoría:Cohetes espaciales Categoría:Vehículos de llanzamientu