Rambalín ye un cantar de 2020, escrito por Raül Refree y Rodrigo Cuevas, interpretáu por esti postreru . Formó parte del segundu álbum de Cueves Manual de Cortexu. Arís Música. Ye el primer cantar compuestu por l'artista d'Uviéu .
L'habanera cuenta la hestoria de Rambal, un tresformista xixonés asesináu y dempués quemáu, en 1976.
Cuenta cola participación del Coru Mineru de Turón y el testimoniu grabáu sobre Rambal de La Tarabica, estrayíu del Archivo de Fuentes Orales para la Historia Social de Asturias.
N'abril de 2020, con motivu del cuarenta y cuatro aniversariu del asesinatu de Rambal, nel periodu de confinamientu pola pandemia de COVID-19, Rodrigo Cuevas y los músicos Mapi Quintana , Rubén Bada, Tinu Cuesta y Juanjo Díaz grabaron el vídeu Rambalín en cuarentena dende les sos propies cases. Les ilustraciones qu'acompañen a la música nesta obra son de la panderetera, pintora y cantante Leticia Baselgas.
En payares de 2020 Cuevas foi premiáu por esti cantar col XII Premiu Camaretá al Meyor Cantar, apurríu pola Conseyería de Cultura, Política Llingüística y Turismu d'Asturies, por unanimidá del xuráu . La gala, ensin públicu por cuenta de la pandemia de COVID-19, realizóse nel Teatru Fantasio de Navia.Darréu, n'abril de 2021, la Conseyería, como parte del premiu, promovio el videoclip, grabáu n'Asturies, dirixíu por Marta Lallana y producíu por El Cohete Internacional.
Referencies
Enllaces esternos
Categoría:Cantares