Sermersooq (en groenlandés: Kommuneqarfik Sermersooq) ye una municipalidá de Groenlandia. Nacida cola nueva organización alministrativa del país, operativa dende xineru de 2009, abarca'l territoriu de los antigües municipalidaes d'Ammassalik, Ittoqqortoormiit, Ivittuut, Nuuk y Paamiut. Les dos primeres formaben l'antiguu condáu de Tunu, y les otres taben integraes nel condáu de Kitaa. Abarca 635.600 km² de tierres del este y el suroeste del país y ye, colos sos 21.232 habitantesGreenland in figures. Estadístiques oficiales del gobiernu groenlandés, la más poblada de les municipalidaes. La so capital, Nuuk (nomada Godthåb polos daneses), yelo tamién de tol país.
Xeografía La municipalidá, qu'ocupa'l sur y parte del este de Groenlandia, llenda: al norte col Parque Nacional de Groenlandia del noreste; al NO cola municipalidá de Qeqqata; al NNO cola de Qaasuitsup; y al sur cola de Kujalleq; al oeste col mar de Labrador; y al este col océanu Atlánticu. Al sureste del territoriu atopamos l'estrechu de Dinamarca, que separa la islla d'Islandia.
Poblaciones y asentamientos Arsuk Ikkatteq Isortoq Itterajivit (nome danés: Illukasiit/Kap Hope) Ittoqqortoormiit (nome danés: Scoresbysund) Kangilinnguit (nome danés: Grønnedal) Kapisillit Kulusuk (nome danés: Kap Dan) Kuummiut Nuuk (nome danés: Godthåb) Paamiut (nome danés: Frederikshåb) Qeqertarsuatsiaat Sermiligaaq Tasiilaq (nome danés: Ammassalik) Tiniteqilaaq
Referencies
Enllaces esternos Páxina web de la municipalidá de Sermersooq
Categoría:Llocalidaes de Groenlandia