Hungría ye un estáu européu, miembru de la Xunión Europea. Cuenta con 93.030 km². La so capital ye Budapest. Llenda con Austria, Eslovaquia, Ucraína, Rumanía, Serbia, Croacia y Eslovenia.
Dempués del pasu pel territoriu de pueblos como los celtes, los romanos, los hunos, los eslavos, los xépidos y los ávaros, nel sieglu IX d.C. el gran príncipe Árpád fundó Hungría. El so bisnietu Esteban I aportó al tronu nel 1000 y convirtió el reinu al cristianismu. El Reinu d'Hungría esistió mientres casi mil años y en dellos momentos de la so historia aportó a unu de los centros culturales del mundu occidental. Tres la derrota maxar na batalla de Mohács énte los otomanos, gran parte d'Hungría integró l'imperiu otomanu mientres 150 años (1541–1699). Dempués, Hungría integróse nos dominios de los Habsburgu y más tarde formó parte del Imperiu austriacu, dientro del cual llogró autonomía como Reinu d'Hungría dende 1867 convirtiéndose ésti en Imperiu austrohúngaru.
Hungría foi una potencia hasta'l final de la Primer Guerra Mundial, cuando la derrota llevó a la firma del Tratáu de Trianon que-y supunxo la perda de más de dos tercios del so territoriu. Na Segunda Guerra Mundial el país lluchó nel bandu del Exa y tamién sufrió importantes perdes materiales y humanes. Ente 1947 y 1989 Hungría tuvo rexida por un gobiernu comunista, un periodu nel que foi'l centru de l'atención mundial pola Revolución de 1956 y pola pionera apertura de la so frontera con Austria en 1989, fechu qu'aceleró'l colapsu del Bloque comunista.
Dende 1989 Hungría ye una república parllamentaria democrática y ye considerada un país desenvueltu. Ye un destín turísticu importante, pos atrai a más de diez millones de visitantes tolos años. El país cunta col mayor sistema de cueves d'agües termales del mundu, el mayor llagu d'Europa Central, el llagu Balatón, y les mayores praderíes naturales del Vieyu continente, en Hortobágy.
Historia
Hungría premagiar Ente los primeros en llegar tuvieron los hunos, que construyeron un poderosu imperiu baxu Atila l'Hunu. Atila foi consideráu como un gobernante ancestral de los húngaros, pero esti argumentu foi refugáu güei día pola mayoría de los estudiosos. Dempués que'l reinu de los hunos esmorecióse, los xermanos ostrogodos y lombardos llegaron a Panonia, y los xépidos ocuparon la parte oriental de la cuenca de los Cárpatos mientres unos 100 años. Nel añu 560 los ávaros fundaron el ḥanatu d'Avar, un Estáu que caltuvo la supremacía na rexón mientres más de dos sieglos. El so poder militar queda demostráu poles frecuentes batalles y victories sobro tolos sos vecinos. El ḥanatu d'Avar viose debilitáu poles constantes guerres y la presión esterna. Finalmente, el gobiernu de los ávaros terminó cuando'l ḥanatu foi conquistáu pol Imperiu de Carlomagnu n'Occidente y los búlgaros con Khan Krum nel Este. Nengún de los dos, nin otros fueron capaces de crear un Estáu duraderu na rexón, y nel sieglu IX la tierra taba habitada solo por una escasa población d'eslavos.
Los maxares (húngaros) apocayá unificaos, empuestos por Árpád, empezaron a establecese na cuenca de los Cárpatos a partir del 895. D'alcuerdu a los llingüistes los húngaros tendríen el so orixe nuna antigua población ugrofinesa qu'habitó orixinariamente les zones montiegues asitiaes ente'l ríu Volga y los montes Urales. El rei Arnulfu I de Baviera convidó a los húngaros a ocupar les tierres de Svatopluk al este del ríu Danubiu. En 894, ente que Simeón de Bulgaria atacó al imperiu bizantín, Svatopluk cuestionáu Arnulfu invadiendo Panonia. Tanto Arnulfu como Lleón VI el Sabiu buscaron l'ayuda de los húngaros, quien taben en condiciones d'atacar a los búlgaros y los moravos de la parte posterior. Arnulfo caltuvo l'alianza colos húngaros hasta la so muerte en 899.
La Xente d'Árpád thumb|La llegada de los maxares, cuadru d'Árpád Feszty. La tradición sostién qu'Hungría foi fundada por siete tribus maxares (húngares) qu'emigraron dende la rexón de los Montes Urales cerca de la llende d'Europa y Asia hasta'l territoriu actual nel sieglu VIII. Estes fueron empuestes por siete xefes: Álmos, Előd, Ond, Kond, Tas, Huba y Töhötöm. Un par de décades dempués de llegar a les tierres del Danubiu, Árpád - el fíu mayor d'Álmos - convirtióse en príncipe y líder absolutu de les tribus, que fixeron un pactu de sangre pa simbolizar una unión indivisible. Asina empezó la historia de la nación húngara y la dinastía de los Árpád.
San Esteban y el Cristianismu thumb|left|upright|Corona de San Esteban.
El tresnietu d'Árpád foi Esteban I (1000-1038), fíu del príncipe Géza. Esteban naciera como paganu col nome de Vajk y darréu foi bautizáu col so nome cristianu. Esteban sabía que si la so nación quería sobrevivir, tenía de ser reconocida como un reinu cristianu y tar baxu la tutela del Papa. Asina, empezó la so llucha contra'l paganismu en siendo coronáu Rei d'Hungría nel añu 1000. El principal adversariu d'Esteban foi un familiar so llamáu Koppány, que deseyaba la corona d'Hungría y refugaba el cristianismu. Cuando ésti morrió, Esteban ordenó que fuera estazáu y que les partes del so cuerpu fueren unviaes a ciudaes importantes como muestra de lo "poco conveniente" que podría ser el Paganismu.
Un fervosu defensor del Cristianismu foi'l rei caballeru San Ladislau I d'Hungría (1077-1095), que'l so cultu florió tres la so canonización en 1192. Na so dómina Croacia y Dalmacia fueron amestaes a Hungría, consolidándose tamién el poder real y la situación interna del reinu.
Casa de los Anjou y Segismundu Una vegada sumida la familia real húngara, la Casa d'Árpad en 1301, el príncipe napolitanu Carlos Roberto d'Anjou reivindicó'l tronu como únicu descendiente per vía materna de los reis húngaros. Empezó entós la Edá d'Oru del reinu, aplicándose numberoses reformes económiques. Hungría pasó a ser el mayor provisor d'oru y plata n'Europa na so dómina, y a apoderar comercial y militarmente la so redolada. Depués de la perda del poder n'Hungría pola Casa d'Anjou en 1387, Segismundu de Luxemburgu convirtióse en rei húngaru per vía de matrimoniu. Como rei checu y darréu emperador xermánicu, Segismundo llogró cada vez más adeptos, y concentrándose siempres n'Hungría, impulsó l'arte y l'arquiteutura gótica.
Matías Corvinu y los turcos Hungría convirtióse gradualmente nun reinu vastu ya independiente, onde floriaría la cultura y daríase un importante progresu económicu, sobre manera de la mano de Mátyás (Matías Corvinu), que conquistó Moravia, Bohemia y Silesia y darréu treslladó la corte húngara a Viena. Asina, Matías foi una figura de gran relevancia pal renacimientu n'Hungría y la llucha armada contra los turcos, a los que s'intentaba repeler dende diba décades (por casu, el so padre, el Rexente húngaru Juan Hunyadi, fíu d'un noble de Valaquia, dirixó incontables campañes contra los turcos).
La batalla de Mohács y la victoria turca thumb|left|upright|La muyer d'Eger (1867), cuadru que retrata la victoria húngara nel asediu del castiellu d'Eger en 1552, mientres les Guerres otomanu-húngares.
thumb|Castiellu de Sümeg
La dómina dorada remató cola derrota húngara de Mohács en 1526 y la ocupación turca de Buda (güei parte de Budapest). A la muerte de Lluis II na batalla de Mohács, la nobleza húngara escoyó rei a Fernando d'Habsburgu, hermanu del emperador Carlos V, venceyándose asina Hungría a la Casa d'Habsburgu mientres casi 400 años.
En 1529 fracasó la ofensiva turca contra Viena. Mientres la dominación otomana de gran parte d'Hungría, ésta foi alministrada por delles grandes families, y les revueltes seríen constantes, al igual qu'en Transilvania. A finales del sieglu XVII, los Habsburgu reconquistaríen Hungría (Budapest en 1686 y en 1699 Transilvania). Mientres los sieglos XVIII y XIX, Hungría formó parte de los territorios alministraos polos Habsburgu (Imperiu austriacu a partir de 1806).
Los Habsburgu y el so dominiu sobro Hungría Tres les victories imperiales de finales del sieglu XVII, Hungría y Transilvania pasaron a formar parte del Imperiu de los Habsburgu, causando dellos conflictos ente la nobleza maxar, poderosa y d'espíritu independiente, y los enclinos centralistes de Viena.
En 1848, españaron rebeliones perdayuri del imperiu, y n'Hungría escritores como Sándor Petőfi tomaron les cais y empunxeron los ensames contra los austriacos. Llueu s'estableció un gobiernu provisional que foi derrocáu pol emperador Francisco Xosé I col sofitu n'Hungría de les minoríes que taben sometíes a los húngaros (especialmente croates y rumanos) y pola intervención rusa. La rebelión fracasó, y ente 1849 y 1866 se reimplantó una política centralista y autoritario.
El Compromisu austrohúngaru» thumb|Mapa étnicu del Imperiu austrohúngaru en 1910. Tres la derrota austriaca de 1866 contra Prusia na Guerra de les Siete Selmanes, Hungría convertiríase finalmente, en 1867, nuna parte autónoma del Imperiu austrohúngaru. En 1902, una comitiva húngara encabezada por Ferenc Deák foi unviada a Viena, onde se robló'l Compromisu (n'húngaru: Kiegyezés y n'alemán: Ausgleich). Nesti tratáu otorgábense a Hungría instituciones polítiques propies, gobiernu y exércitu propios y el parllamentu tendría la so sede en Budapest. Hungría (territorios de la Corona de San Esteban) constituyóse na 2ª entidá de la nueva monarquía, con plena independencia sacante n'asuntos militares, esteriores, monetarios y aduaneros. El káiser pasó a ser simultáneamente "rei apostólicu" d'Hungría. La política interna húngara caracterizóse por apostar pola maxarización de les minoríes (croates, serbios, eslovacos, ucraínos y rumanos), la centralización alministrativa (solo Croacia caltuvo cierta autonomía) y el caltenimientu d'un réxime tendiente al autoritarismu (sufraxu censitariu amenorgáu, discriminación de les minoríes, etc.). A diferencia de la parte austriaca, Hungría caltúvose esencialmente rural y agraria sol dominiu d'una numberosa y poderosa nobleza que controlaba gran parte de los recursos del Estáu.
Hungría desmembrada (periodu d'enteguerres)
Sicasí, l'Imperiu foi ganáu na Primer Guerra Mundial, polo qu'Hungría declaró la so independencia'l 1 d'ochobre de 1918. Col tratáu de Trianon en 1920 Hungría robló la paz coles potencies vencedores y perdió más d'un 70% del so territoriu, que pasó a los nuevos Estaos centroeuropeos. Eslovaquia y Rutenia (esto ye, la Rutenia subcarpática) xuniríense a Bohemia y Moravia pa formar Checoslovaquia. Transilvania y parte del Bánato xuntaríense a Rumanía. Croacia y Voivodina pasaríen al Reinu de los Serbios, Croates y Eslovenos, futura Yugoslavia. Quedaron, sicasí, importantes grupos de población húngara en Checoslovaquia (884.000 individuos), Voivodina serbia (420.000) y Transilvania rumana (1.662.000), anguaño tamién siguen siendo mayoritarios en numberosos distritos y conceyos de los trés nueves naciones.
Poco dempués, hubo una revolución comunista instaurándose la República Soviética Húngara, que foi encalorada trés meses más tarde poles tropes anticomunistes rumanes. Mientres esti estáu d'anarquía, el almirante Miklós Horthy tomó'l poder como rexente "permanente" del Reinu d'Hungría (1920 - 1945), anque torgando la restauración del rei Carlos IV d'Habsburgu (que finó en 1922), quien cuntaba con un sofitu social bien ampliu.
La Segunda Guerra Mundial
thumb|left|Hungría ente 1941 y 1944. thumb|right|260px|Miembros de la Cruz Flechada desfilando peles cais del centru de Budapest.