8

Esti artículu ye pal añu 8. Pal númberu 8, ver Ocho.

L'añu 8 (VIII) foi un añu común entamáu en domingu del calendariu xulianu.

Fechos Imperiu romanu Marcus Furius Camillus y Sextus Nonius Quinctilianus son cónsules ordinarios de Roma. Lucius Apronius y Aulus Vibius Habitus desempeñen darréu'l consuláu como cónsules sufectos.Matthew Bunson, Encyclopedia of the Roman Empire, Facts On File, 2002, ISBN 978-0-8160-4562-4. Sigue la Gran Revuelta Iliria contra'l dominiu romanu en Panonia y Dalmacia.Jason R. Abdale, The Great Illyrian Revolt: Rome's Forgotten War in the Balkans, AD 6–9, Pen & Sword Military, 2019, ISBN 978-1-5267-1817-4. 3 d'agostu: les fuerces romanes dirixíes por Tiberiu derroten a los rebeldes ilirios na zona del ríu Bathinus, nel cursu de la Gran Revuelta Iliria.Jason R. Abdale, The Great Illyrian Revolt: Rome's Forgotten War in the Balkans, AD 6–9, Pen & Sword Military, 2019, ISBN 978-1-5267-1817-4. Vipsania Xulia, nieta d'Augustu, ye acusada d'adulteriu y exiliada a la isla de Trimerus.Suetoniu, Vides de los doce césares, «Augustu», 65; Dión Casio, Historia romana, LV, 10. Lucius Aemilius Paullus, home de Xulia la Menor, cai en desgracia acusáu de conspirar contra Augustu.Suetoniu, Vides de los doce césares, «Augustu», 19. El poeta Ovidiu ye relegáu por orde d'Augustu a Tomis, na costa occidental del mar Negru, na actual Constanța, Rumanía. El propiu poeta atribuyó'l castigu a un carmen et error («un poema y un error»), ensin revelar la naturaleza exacta del segundu motivu.Gareth Williams, «Ovid's exile poetry», en Philip Hardie (ed.), The Cambridge Companion to Ovid, Cambridge University Press, 2002, páxs. 233–246, ISBN 978-0-521-77528-1. Alredor d'esti añu, Tincomarus ye espulsáu del reinu de los Atrébates en Britania y marcha a Roma buscando la protección d'Augustu. El so hermanu Eppillus pasa a gobernar el reinu y ye reconocíu por Roma.John Creighton, Coins and Power in Late Iron Age Britain, Cambridge University Press, 2000, páxs. 92–93 y 120–121, ISBN 978-0-521-77207-5. Vonones I, fíu de Fraates IV, ye unviáu por Augustu a Partia a petición de los partos y conviértese en rei del Imperiu partu.Edward Dąbrowa, «The Arsacid Empire», en Touraj Daryaee (ed.), The Oxford Handbook of Iranian History, Oxford University Press, 2012, ISBN 978-0-19-973215-9.

China Entama la era Chushi, última era de gobiernu nominal del emperador neñu Ruzi Ying de la dinastía Han.Ban Gu, Llibru de Han, «Biografía de Wang Mang». Wang Mang, que controla'l gobiernu como rexente, consolida'l so poder y prepara'l cambéu dinásticu que va llevar a la proclamación de la dinastía Xin a principios del 9.Ban Gu, Llibru de Han, «Biografía de Wang Mang».

Arte y lliteratura Ovidiu completa o da la forma final a les Metamorfosis, obra en quince llibros que percuerre la mitoloxía grecorromana al traviés del motivu de la tresformación.Peter E. Knox (ed.), A Companion to Ovid, Wiley-Blackwell, 2009, ISBN 978-1-4051-7886-0. Ovidiu trabaya nos Fastos, poema sobre'l calendariu y les fiestes relixoses romanes que quedó incompletu tres el so exiliu.Carole E. Newlands, Playing with Time: Ovid and the Fasti, Cornell University Press, 1995, ISBN 978-0-8014-3080-0.

Nacencies

Drusu César, fíu de Xermánicu y Agripina la Mayor, miembru de la dinastía Xulio-Claudia (m. 33).«Drusus Caesar», Oxford Classical Dictionary, Oxford University Press. c. 8: Titus Flavius Sabinus, políticu y militar romanu, hermanu mayor del emperador Vespasianu (m. 69).Ronald Syme y Barbara Levick, «Flavius Sabinus», Oxford Classical Dictionary, Oxford University Press, 2016. La fonte indica que nació «nel 8 d.C. como mui tarde».

Muertes

c. 8: Marcus Valerius Messalla Corvinus, militar, políticu y orador romanu (n. 64 e.C.).Ronald Syme, The Augustan Aristocracy, Clarendon Press, 1986, ISBN 978-0-19-814859-3.

Referencies

Enllaces esternos

Categoría:8 Categoría:Sieglu I