Richard Felton Outcault foi guionista y dibuxante d'historietes asina como pintor estadunidense. Outcault foi'l creador de la serie The Yellow Kid (El rapaz amariellu), a partir de la que nació y se desarrolló la historieta y la tira cómica tal y como les conocemos anguaño.
Biografía thumb|300px|Fragmentu de Buster Brown de 1903. Outcault entamó la so carrera como ilustrador téunicu de Thomas A. Edison y como dibuxante humorísticu pa les revistes Judge y Life.
Bien ceo firmó pal New York World de Joseph Pulitzer y nel so suplementu dominical a color llamaáu World entamó, el 5 de mayu de 1895, la serie de megaviñetes cómiques Hogan's Alley que presentaba a un neñu de los suburbios y sobre la so camisa apaecíen los testos. A partir del 5 de xineru de 1896, esta camisa foi colloreada, a modu d'esperimentu, con un color particularmente abegosu por aquel tiempu: l'amariellu; d'esta manera la espresión popular Yellow Kid acabó por pasar dende'l públicu hasta'l títulu xeneral de la serie.
Cuando n'ochobre de 1896 pasó a trabayar pal New York Journal de William Randolph Hearst, rival de Pulitzer, The Yellow Kid entamó a apaecer como una socesión de viñetes en llugar d'una sola. Esto, que Outcault llevó a cabu por iniciativa del propiu Hearst ye considerao por munchos teóricos el verdaderu momentu del nacimientu de la historieta.Ye'l casu de Romá Gubern en El lenguaje de los comics, Barcelona, Ediciones Península, 1972, páxs. 17 a 27.
En 1897 volvió a cambiar de periódicu, creando pal New York Herald, les series Poor Li'l Mose (1901) y Buster Brown (1902-1905). Ésta última continuaríala en New York American dende 1906 hasta 1920.
Referencies
Enllaces esternos
Felton Outcault, Richard Felton Outcault, Richard Categoría:Persones d'Estaos Xuníos