Agustín Bernardo de Pedrayes y Foyo foi un matemáticu asturianu.
Biografía Agustín Bernardo de Pedrayes y Foyo nació en Llastres (Colunga) el día 28 d'agostu de 1744, y morrió en Madrid el 26 de febreru de 1815. Estudió les primeres lletres en Llastres baxo la direición de so padre y les Humanidaes na villa de Colunga. El 18 de mayu de 1758 con catorce años salió pa Santiago de Compostela col apoyu de so tíu maternu, el flaire Bernardo Foyo, onde cursó Filosofía, Teoloxía y Lleis na so universidá llogrando'l graduáu en 1762.
Obra En 1777 asoleya un métodu de resolución d'ecuaciones, que contribuyó a la modernización del cálculu alxebraicu na península ibérica.
El 17 d'abril de 1798 publícase na Gaceta de Madrid un concursu abiertu pa la resolución d'un problema matemáticu. Pedrayes resulta ganador en solitario del concursu, siendo convidáu a París pola so esceicional aportación.
En 1799 participó xunto a Gabriel Císcar nel congresu entamáu en París pa la regularización del sistema de midida y pesu, aniciu del sistema métricu decimal. El so papel foi fundamental como representante de la España ilustrada nel procesu de definición de les unidaes de midida nueves, como'l metru y el quilogramu.
Reconocimientos Uviéu, en reconocimientu a la figura, bautizó una cai nel so honor baxo la denomación de «Matemático Pedrayes», el 26 de febreru de 1925.
Referencies
Enllaces esternos Biografía
Categoría:Matemáticos y matemátiques d'España Categoría:Persones de Colunga