L'arbustu, o tamién llamáu arbolexu, ye una planta maderiza de ciertu porte cuando, a diferencia de lo que ye propiu d'un árbol, nun s'ergue sobre un solu tueru o fuste, sinón que se ramifica dende la mesma base. Los arbustos puen tener dellos metros d'altor.
Non toles plantes maderices ramificaes dende la base merecen ser denomaes arbustos; por casu, los tomillos (Thymus) o los espliegos (Lavandula) son matos maderizos o, como se diz tamién, subarbustos. Términos como árbol, arbustu o matu describen biotipos na llingua común y son más o menos equivalentes d'otros téunicos; los equivalentes botánicos pa esti conceutu estiéndense ente los términos caméfitu, nanofanerófitu y microfanerófitu.
Referencies
Enllaces esternos
Categoría:Árboles Categoría:Términos botánicos