Philip Milton Roth foi un escritor d'Estaos Xuníos d'orixe xudíu, conocíu sobre manera poles sos noveles, aunque tamién escribió cuentos y ensayos. Ente les sos obres más conocíes atópense: la coleición de cuentos de 1959 Goodbye, Columbus, la novela Portnoy's Complaint (1969), y la so "triloxía americana", publicada nos años 1990, compuesta por les noveles Pastoral americana (1997), ganadora del Pulitzer, Me casé con un comunista (1998), y La mancha humana (2000).
Munches de les sos obres reflexen la problemática d'asimilación y identidá de los xudíos d'Estaos Xuníos, lo que lu vincula con otros autores d'Estaos Xuníos como Saul Bellow, Premiu Nobel en 1976, o Bernard Malamud, que tamién traten nes sos obres les esperiencies de los xudíos d'Estaos Xuníos.
Gran parte de la obra de Roth esplora la naturaleza del deséu sexual y la autocomprensión. La marca rexistrada de la so ficción ye'l monólogu íntimu, dichu con un humor amotináu y la enerxía histérica a veces asociada col héroe y el narrador de Portnoy's Complaint (1969), la novela que-y traxo la fama.
En 2012 recibió'l Premiu Príncipe d'Asturies de les Lletres.
Referencies
Enllaces esternos
Categoría:Escritores d'Estaos Xuníos Categoría:Premiu Princesa d'Asturies de les Lletres Categoría:Persones de Newark (Nueva Jersey)