Javier Antonio Marinas García , ye un diseñador gráficu y dibuxante y guionista de cómic asturianu.
Bien ceo tuvo que se treslladar cola so familia a Llaranes y depués acabaría asitiando nel conceyu de Corvera. Estudió maestría, delliniación y diseñu gráficu.
Ye un historietista de formación autodidacta, qu'entamó la so carrera de dibuxante na revista Tapónhttps://www.tebeosfera.com/autores/marinas_garcia_javier_antonio.html. Collaboró igualmente coles publicaciones El Gomeru, El Llapiceru, Orbayando o Sauco.
Na so trayeutoria de dibuxante algamó dellos premios, como l'Urriellu d'Ilustración (1991 y 1992), el de la Universidá Popular de Castuera (Badajoz) en 1995 y el Premiu Alfonso Iglesias de cómic en llingua asturiana pol so trabayu Homeshttp://www.biblioasturias.com/el-dibujante-javier-antonio-marinas-obtiene-el-premiu-alfonso-iglesias-de-comic-en-lengua-asturiana/.
El cartelismu ye otra de les sos facetes cola que ganó numberosos premios n'Asturies (festivales de carteles como'l del Descensu Folklóricu del Nalón, en 1996, o La Regalina, en 2002) y n'otros llugares de la xeografía española (Madrid, Cáceres...).
Trabayos asoleyaos Ballenas (1997) Domno (2005) Pedro Menéndez de Avilés (con guión de José Martínez) (edición billingüe asturianu-castellanu) (2012) Homes (ganador del IV Concursu Alfonso Iglesias de cómic en llingua asturiana)
Referencies
Categoría:Dibuxantes d'Asturies Categoría:Persones de Grau