La ye un arbustu de muncha rama, derechu, qu'acostuma a midir de 1 a 4 m d'altor, y que pue llegar a midir 7 metros (n'Andalucía occidental) o lo mesmo 20m (Canaries). Tien ramilles ablancazaes y peludes; les fueyes agrúpense en verticilos de 3 o 4 y son mui estreches, lliniales cuasi aciculares, llampiñes y lises, d'ente 3 y 9 milímetros. Les flores, que se producen en gran númberu formando una gran panícula piramidal son de color blancu o rosáu, pedicelaes, con pedicelu provistu de 2 o 3 pequeñes bráctees; corola acampanada fendida de 4 (5) lóbulos anchos, con 8 estames. La cáusula ye llisa, abridera en 4 valves.
Florez dende febreru o marzu hasta xunetu, según la llocalidá.
Hábitat Nes viesques aclaraes y mates daqué fresques y avesíes, sobre too nos tarrenes desprovistos de cal (granitos, cuarcites, arenites, etc); dende cásique'l nivel del mar hasta unos 1300-1600 m d'altitú; prefier les vaguaes, ribayos, escobios y riegues con suelu frescu y daqué llentu.
Referencies
Enllaces esternos
Categoría:Ericaceae