Dulus dominicus ye una especie d'ave paseriforme de la familia monoespecífica (con una sola especie) Dulidae. Ye una especie pequeña d'unos 20 cm de llargu. Piénsase que ta rellacionada cola familia Bombycillidae y dacuando ye incluyida nesi grupu. Ye endémicu de la islla de La Española (onde s'atopen Haití y la República Dominicana) y nos cayos y pequeñes islles axacentes, onde ye común y distribuyida llargamente. Estes aves constrúin grandes niales comunales de cañes, principalmente en palmes reales (Roystonea sp.) y aliméntense del frutu de la palma, flores, bayes y otros frutos. Viven en tierres baxes a elevaciones medies onde s'atopen les sabanes de palmes o otres árees abiertes con árboles esvalixaos, pero tamién s'afaen bien a parques y xardinos de ciudaes. Paecer na estructura a les filomenes, col envés parduzu y el banduyu anteáu, densamente rayáu de castañal. Nun tienen el plumaxe nidiu sedosu de les especies de Bombycillidae o de Ptilogonatidae.
Ye l'ave nacional de la República Dominicana.
Referencies
Enllaces esternos
Families d'aves del mundu de Don Roberson
Categoría:Passeriformes Categoría:Aves de La Española Categoría:Aves nacionales Categoría:Xéneros monotípicos d'aves Categoría:Animales descritos en 1766 Categoría:Especies descrites por Linnaeus