'''Ficedula mugimaki, ye una especie d'ave paseriforme de la familia Muscicapidae que vive n'Asia. El nome «mugimaki» vien del xaponés y significa "semador de trigu".
Descripción Mide ente 13 y 13,5 centímetros de llargu. El machu adultu tien les partes cimeres corites con una llista superciliar blanca detrás del güeyu, un parche alar blancu, cantos blancos nes terciaries y na base de les plumes esteriores de la cola. El pechu y el gargüelu son de color anaranxáu ente que'l banduyu y les coberteres infracaudales son de color blancu. La fema ye de color marrón-buxu percima, col pechu y el gargüelu de marrón anaranxao maciu. La fema escarez de blancu na cola, tien una o dos barras pálides nes ales y llista superciliar ye débil o inesistente por completu. Los machos nuevos son similares a la fema, pero tienen el pechu de color naranxa brillante, la cola blanca y una ceya más obvia.
Distribución Reproduzse nel este de Siberia y el nordeste de China. Ye una especie migratoria, pasa l'iviernu nel sureste d'Asia, algamando l'oeste d'Indonesia y les Filipines. Hai un únicu rexistru d'una ave vagamunda n'Alaska, en Shemya Island en 1985.West, George C. (2002): A Birder's Guide to Alaska. American Birding Association. ISBN 1-878788-19-1 Un páxaru rexistráu en Humberside, Inglaterra en 1991 nun foi aceptáu na categoría A, d'ave montesa, pero foi puestu nuna categoría D, esto ye, probablemente seya de procedencia en cautividá. Foi reteníu na categoría D, tres una revisión en 2009.
Referencies
Bibliografía Kennedy, Robert S.; Gonzales, Pedro C.; Dickinson, Edward C.; Miranda, Hector C. & Fisher, Timothy H. (2000) A Guide to the Birds of the Philippines, Oxford University Press, Oxford. MacKinnon, John Ramsay, Phillipps, Karen & He, Fen-qi (2000): A Field Guide to the Birds of China. Oxford University Press. ISBN 0-19-854940-7 Robson, Craig (2002): A guide to the birds of Southeast Asia: Thailand, Peninsular Malaysia, Singapore, Myanmar, Laos, Vietnam, Cambodia. New Holland, Londres. ISBN 1-85368-313-2
Enllaces esternos
BirdLife International (n'inglés).
mugimaki Categoría:Animales descritos en 1815 Categoría:Aves d'Asia Categoría:TBSpecies