Procnias averanoCampaneru Barbudu (Procnias averano) (Hermann, 1783); Avibase. ye una especie d'ave de la familia Cotingidae, que s'atopa en Brasil, Colombia, Guyana, Trinidá y Tobagu y Venezuela.
Hábitat Vive nel monte húmedu y árees arbolaes axacentes. Ye residente, pero delles poblaciones participen en migraciones altitudinales, la cría asocede hasta los 1.900 m d'altitú y la temporada non reproductiva pásenla nes tierres baxes.
Descripción El machu mide aproximao 28 cm de llargor y pesa 180 g. El so plumaxe ye blancu o blancu abuxáu, coles ales negres y cabeza color castañu. Lluz una barba de fibres negres.Snow, D.W. (2008) Birds in Our Life: 132-137. William Sessions Limited. ISBN 978-1850723813 El so llamáu suena como un martiellu cutiendo una incla con rapidez y repítise 20-30 vegaes.ffrench, Richard (1991) A Guide to the Birds of Trinidad and Tobago. ISBN 0-8014-9792-2
La fema ye más pequeña, de 27 cm de llargor y 130 g de pesu. Les sos partes cimeres son de color verde oliva, más escures na cabeza; la mayoría de les partes inferiores son de color mariellu con rayes verdes y el banduyu ye de color mariellu. Nun tien barba facial.
Alimentación Aliméntase puramente en frutes y bagues, principalmente tomaes na ala. Prefier frutos de Lauraceae y Burseraceae.
Reproducción right|thumb|250px|Nial, Cumaca, Trinidá La fema constrúi'l nial na caña esterior d'un árbol fuera del monte y pon un güevu de color marrón claro con llixos escuros.
Subespecies Rexistráronse dos subespecies, P. a. averano, nel nordeste de Brasil y P. a. carnobarba en Venezuela, Trinidá, nordeste de Colombia, oeste de Guyana y estremu norte de Brasil. P. a. averano ye relativamente rara, por cuenta de la destrucción del hábitat y a la captura pal comerciu y como tal considérase "vulnerable".
Referencies
Enllaces esternos
BirdLife Species Factsheet Semeya
Categoría:Procnias Categoría:Aves d'América del Sur Categoría:Animales descritos en 1783