El ye una ave paseriforme de la familia Prunellidae visible en lladeres pedreses y praos de monte altu. N'iviernu, la so área de distribución ye más amplia, incluyendo altitúes menores. Tien la tiesta gris, el picu amarellentáu, les ales escures y una parte inferior y llateral llistada, acoloratada. Pola forma y comportamientu, paezse a la cenicienta, pero en mayor tamañu.
La so voz ye en reclamu curtiu, tipu garllu, erráticu, cuando ta posada o en vuelu.
El so nial ye yerbaceu, en biligueres de la roca, con 3-5 güevos que pon en dos niaraes, de mayu a agostu.
Aliméntase picotiando nel suelu pequeños inseutos, arácnidos, bagues y granes.
La so distribución ye l'altu monte de Sierra Nevada, Sierra de Grazalema, Pirineos y Alpes; llocalmente, apaez n'Italia y los Balcanes. Nes cumes del Mulhacén o Veleta, resulta llamativu'l so comportamientu desaxeradamente confiáu énte la presencia del home.
Pel hibiernu pue algamar la mariña, magar qu'esto ye muncho más raro.
Subespecies Reconócense les siguientes subespecies: Prunella collaris collaris Prunella collaris subalpina Prunella collaris montana Prunella collaris rufilata Prunella collaris whymperi Prunella collaris nipalensis Prunella collaris tibetana Prunella collaris erythropygia Prunella collaris fennelli
Referencies
Hume. Rob. 2002. Guía de campu de les aves d'España y Europa. Ediciones Omega ISBN 84-282-1317-8
Enllaces esternos
Videos de acentor alpín en Internet Bird Collection
Categoría:Prunellidae Categoría:Aves d'Europa Categoría:Aves d'Asia Categoría:TBSpecies