'''Turdus naumanni ye una especie d'ave paseriforme de la familia de los túrdidos. Distribúyese llargamente nel este d'Asia. Ta estrechamente rellacionáu col tordu escuru (Turdus eunomus), los dos fueron de cutiu consideráu como conxéneres.
Distribución y hábitat Reproduzse en zones montiegues abiertes del centro-sur y l'este de Siberia, escasamente llega a Europa central y occidental. Pel hibiernu migra al sur-sureste d'Asia, principalmente a China y los países vecinos. El so hábitat natural son los montes, praderíes y pacionales boreales.
Descripción Ye una ave de tamañu medianu pero robezu, similar n'apariencia al malvís real (Turdus pilaris). La parte inferior de les ales ye de color marrón acoloratáu, el llombu y la cabeza son de color marrón claru. La cara, el pechu, los lladrales y los cadriles tienen manches acolorataes, el banduyu y so la cola ye de color blancu. La fema ye abondo similar al machu, pero les aves nueves tienen un patrón más débil.
Comportamientu
Añera n'árboles, poniendo de 3 a 5 güevos nun nial desordenáu pero perfectamente alliniaos. Les aves migratories y aves invernantes suelen formar pequeños grupos. Ye omnívoru, y aliméntase d'una amplia variedá d'inseutos, especialmente mosquitos, viérbenes y bayes.
Referencies
Thrushes, Clement and Hathway, ISBN 0-7136-3940-7
Enllaces esternos
BirdLife Especies, ficha téunica. (n'inglés)
naumanni Categoría:Aves d'Asia Categoría:TBSpecies