14 Arietis (14 Ari)14 Ari -- Star in double system (SIMBAD) ye una estrella na constelación d'Aries, el carneru. Con magnitú aparente +4,98, ye la decimotercer estrella más brillosa na so constelación.Stars in Aries (Alcyone) D'alcuerdu al nuevu amenorgamientu de los datos de paralax del satélite Hipparcos, alcuéntrase a 289 años lluz del Sistema Solar.
14 Arietis ta catalogada como una xigante blancu-mariella de tipu espectral F2III. Tien una temperatura efectivo de 6860 K y relluma con una lluminosidá bolométrica 32 vegaes mayor que la del Sol. Les sos carauterístiques son asemeyaes a les de ρ Phoenicis o a les d'ε Sextantis; magar éstes son estrelles xigantes, el so tamañu queda lloñe del de xigantes naranxes, muncho más numberoses, y del de les xigantes coloraes. Asina, el diámetru de 14 Arietis ye 4 vegaes más grande que'l diámetru solar, malapenes una tercer parte del de Botein (δ Arietis) o 39 Arietis, xigantes naranxes nesta mesma constelación. Xira sobre sigo mesma con una velocidá de rotación proyeutada, entá bien elevada, de 164 km/s.
14 Arietis exhibe una metalicidá cimera a la solar. La so bayura relativa de litiu, A(Li) = 3,2, ye igual a la de la bayura cósmica de dichu elementu, acotando que les estrelles de rápida rotación evidencien un altu conteníu de litiu. A lo último, hai de solliñar que 14 Arietis puede ser una estrella binaria, ensin que nada se sepa del so posible acompañante.
Referencies
Categoría:Estrelles Categoría:Constelación d'Aries