17 Cygni (17 Cyg / HD 187013 / HR 7534) ye una estrella na constelación del Cisne de magnitú aparente +4,99.17 Cygni (SIMBAD) Alcuéntrase a 68 años lluz de distancia del Sistema Solar.
17 Cygni ye una nana mariella de tipu espectral F7V con una temperatura superficial de 6379 K, unos 600 K más alta que la del Sol. De carauterístiques asemeyaes a ι Piscium o Asellus Primus (θ Bootis), relluma con una lluminosidá 3,6 vegaes mayor que la lluminosidá solar. La so masa envalorada ye un 31% mayor que la del Sol y paez ser más nuevu que la nuesa estrella, con una edá averada de 2000 millones d'años. La so velocidá de rotación, 10 km/s, ye 5 vegaes más rápida que la del Sol.
La so metalicidá paez comparable a la solar; unes fontes señalen un valor llixeramente cimeru ([Fe/H] = +0,03) magar qu'otres apunten un valor inferior ([Fe/H] = -0,13). Les bayures relatives d'elementos como sodiu, magnesiu y azufre tán en redol al 70% de los valores solares, ente que los conteníos de siliciu o aluminiu son bien asemeyaos a los atopaos nel Sol.
17 Cygni ye unu de los oxetivos prioritarios del Terrestrial Planet Finder (TPF) pa la busca de planetes terrestres que puedan allugar vida.
Referencies
Categoría:Estrelles Categoría:Nanes marielles Categoría:Constelación de Cygnus