19 Draconis (19 Dra / HD 153597 / HR 6315)NSV 8078 - Spectroscopic binary (SIMBAD) ye una estrella na constelación del Dragón de magnitú aparente +4,88. Alcuéntrase a 49 años lluz de distancia del Sistema Solar.
19 Draconis ye una estrella mariella de la secuencia principal de tipu espectral F6V. Al igual que'l Sol, la so enerxía provién de la fusión d'hidróxenu en heliu, pero ye más caliente y lluminosa qu'ésti. Con una temperatura efectivo d'aproximao 6300 K, la so lluminosidá ye más del doble de la lluminosidá solar. Tien una metalicidá —bayura relativa d'elementos más pesaos que l'heliu— inferior a la del Sol; diversos estudios señalen una metalicidá ente'l 60% y el 83% de la que tien el Sol. Esti empobrecimientu ye más acusáu n'elementos como magnesiu y cobre. El radiu de 19 Draconis ye un 10% más grande que'l de la nuesa estrellaCatalogue of Stellar Diameters (CADARS) (VizieR, SIMBAD)y la so masa ye un 20% mayor que la masa solar. Ye una estrella más nueva que'l Sol. Magar nun hai consensu sobre la so edá, ésta cífrase ente 1380 y 3700 millones d'años.
19 Draconis ye una binaria espectroscópica —que nun pudo ser resuelta por interferometría de moteáu— con un periodu orbital de 52,11 díes.19 Draconis (The Bright Star Catalogue) Amás, ye posible que seya una variable del tipu Delta Scuti, magar esti aspeutu nun foi confirmáu.
Referencies
Categoría:Estrelles Categoría:Nanes marielles Categoría:Constelación de Draco