41 Arae (HD 156274 / HR 6416 / GJ 666) ye una estrella binaria de magnitú aparente +5,53 asitiada na constelación d'Ara, l'altar. Alcuéntrase a 28,7 años lluz del Sistema Solar. Gliese 680 ye la estrella conocida más próxima a 41 Arae, distante 3,7 años lluz.
La estrella principal del sistema, 41 Arae A (LHS 444), ye una nana mariella de tipu espectral G8V,LHS 444 - High proper-motion Star (SIMBAD) más fría y menos lluminosa que nuesu Sol. La so temperatura superficial ye d'aproximadamente 5270 K y relluma con una lluminosidá equivalente al 42% de la lluminosidá solar. El so diámetru ye un 23% menor que'l del Sol y xira sobre sigo mesma con una velocidá de rotación proyeutada de 4,5 km/s. Con una masa de 0,90 mases solares, ye una estrella asemeyada a 61 Ursae Majoris o ξ Bootis A. La so metalicidá ye inferior a la solar, pos la so bayura relativa de fierro ye namái un 42% de la de la nuesa estrella. Otra manera, los conteníos de titaniu, siliciu y magnesiu en rellación al de fierro son significativamente mayores que nel Sol.
La componente secundaria, 41 Arae B (LHS 445), ye una nana colorada de tipu espectral M0VLHS 445 - High proper-motion Star (SIMBAD) –K7 según otres fontes– con una temperatura efectivo de 3840 K. La so lluminosidá visual ye solamente'l 2,2% de la que tien el Sol.The Internet Stellar Database La separación ente dambes estrelles ye d'unes 210 UA y distintos estudios envaloren el so periodu orbital ente 693 y 2200 años.NSV 21372 (The Bright Star Catalogue)
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes marielles Categoría:Nanes coloraes Categoría:Estrelles binaries Categoría:Constelación d'Ara