Alcíone, Alcyone o Alcyon (η Tauri / η Tau / 25 Tauri)Name Alcyone - Be Star (SIMBAD) ye la estrella más brillosa del cúmulu abiertu de les Pléyades na constelación de Tauru. La so magnitú aparente ye +2,85 y alcuéntrase a unos 440 años lluz de distancia.
Nome Alcíone representa nel firmamentu a una de les siete pléyades, fíes d'Atles y Pléyone. Los antiguos árabes llamaron a esta estrella Al Jauz, «la nuez», Al Jauzah o Al Wasaṭ, «la central», y Al Naʼdir, «la brillosa». El Darréu, Al Achsasi añadió a esta llista'l nome de Thaur al Thurayya, lliteralmente «el Toru del Pléyades», probablemente un títulu corriente na so dómina.
En Babilonia η Tauri señalaba la cuarta constelación eclíptica, Temennu, «la Primer Piedra». Na India esta estrella constituyía la unión ente les nakshatres Krittikā y Rohinī, ya individualmente yera Amba, «la Madre».
Carauterístiques físiques Alcíone ye una estrella múltiple que la so componente principal, Alcíone A, tien una lluminosidá 2400 vegaes mayor que la lluminosidá solar y una temperatura superficial de cerca de 13.000 K. Ye, de la mesma, una binaria eclipsante compuesta por dos estrelles xigantes de tipu espectral B separaes 0,031 segundos d'arcu. La gran velocidá de rotación de Alcíone A —más de 200 km/s— provoca que sala despidíu gas dende'l so ecuador, formando un discu alredor de la estrella, siendo Alcíone A una estrella Be.Alcyone (Stars, Jim Kaler)
En redol a Alcíone A hai trés compañeres estelares. Alcíone B y Alcíone C son dos estrelles blanques de tipu espectral A0V y magnitú 8, dixebraes de la estrella principal 117 y 181 segundos d'arcu respeutivamente. Alcíone C ye una variable Delta Scuti, que'l so rellumu bazcuya ente magnitú +8,25 y +8,30 nun periodu de 1,13 hores. La tercera acompañante, Alcíone D, ye una estrella de la secuencia principal de tipu F2 de magnitú +8,7 separada 191 segundos d'arcu de la componente A.Alcyone (The Internet Encyclopedia of Science)
Referencies
Enllaces esternos
Categoría:Estrelles Categoría:Xigantes azules Categoría:Estrelles variables Categoría:Variables Delta Scuti Categoría:Cúmulu de les Pléyades Categoría:Constelación de Tauru