Alfirk o Alphirk (β Cep / Beta Cephei / 8 Cephei)Beta Cephei - Variable Star of beta Cep type (SIMBAD) ye la segunda estrella más brillosa na constelación de Cepheus. El so nome provién del árabe الفرقة (Al-Firq) y significa «el fatáu». Alcuéntrase aproximadamente a 599 años lluz del Sistema Solar.
Alfirk ye una estrella caliente con una temperatura superficial de 26.700 K y tipu espectral B2IIIv. Relluma con una lluminosidá 14.600 vegaes mayor que la del Sol y tien una masa 12 vegaes mayor que la masa solar. Ye una estrella Be qu'espulsa materia dende la so superficie y tien un campu magnéticu unes 100 vegaes superior al de la Tierra.Alfirk (Stars, Jim Kaler) El so caliente corona emite unes 2000 vegaes más radiación X que'l Sol.Alfirk (Beta Cephei). The Internet Encyclopedia of Science
Alfirk ye primero de too conocida por ser el prototipu de les variables Beta Cephei, que lleven el so nome. Éstes son estrelles de tipu espectral B0 - B3 qu'amuesen variaciones de rellumu por cuenta de pulsaciones na so superficie. Conocíes estrelles como Shaula A (λ Scorpii), Murzim (β Canis Majoris) o α Lupi son miembros d'esta clase. Presenten pequeñes oscilaciones de rellumu; asina, el rellumu de Alfirk varia ente magnitú aparente +3,16 y +3,27 nun periodu de 0,1905 díes (4,57 hores). Amás d'esti periodu principal, esisten dellos periodos simultáneos de 4,72, 4,46, 4,43, 4,88 y 4,30 hores.
Esisten dos estrelles blanques tenues que formen xunto a Alfirk un sistema estelar. La más cercana alcuéntrase a unes 45 UA y emplega unos 90 años en completar la so órbita. Más alloñada, y observable con un pequeñu telescopiu, una tercer estrella completa'l sistema a una distancia mínima de 2400 UA; emplega siquier 30.000 años en dar una vuelta alredor de la estrella principal.Beta Cephei (Alfirk), Jumk.de/astronomie
Futura Estrella Polar Nel añu 6000 EC el polu norte celeste va tar ente Alfirk y la vecina ι Cephei.
Ver tamién Estrella variable Beta Cephei Llista d'estrelles variables
Referencies
Categoría:Estrelles Categoría:Xigantes azules Categoría:Estrelles variables Categoría:Variables Beta Cephei Categoría:Constelación de Cepheus