Alshat (ν Capricorni / ν Cap / 8 Capricorni / HD 193432)8 Capricorni (SIMBAD) ye una estrella na constelación de Capricorniu de magnitú aparente +4,75. El so nome provién del árabe Al Shat, la oveya qu'había de ser sacrificada pola vecina Dabih (β Capricorni) nel sacrificiu celebráu polos árabes col orto helíaco de Capricorniu.Alhat (The Fixed Stars)
Alshat ye una estrella caliente de 10.208 K de temperatura efectivo y tipu espectral B9IV o B9.5V.Alshat (The Bright Star Catalogue) Ye, pos, una estrella de la secuencia principal o una subxigante empezando a evolucionar, similar a Sualocin (α Delphini) o η Aquarii. Tien una lluminosidá —nel espectru visible— 75 vegaes superior a la lluminosidá solar, siendo'l so radiu más del doble del que tien el Sol.Nu Capricorni (CADARS) La so velocidá de rotación —27 km/s—, ye baxa pa una estrella de les sos carauterístiques, magar esta cifra ye namái una llende inferior, una y bones el verdaderu valor depende del enclín de la so exa al respective de la Tierra. Tien una composición química «normal», a diferencia d'otres estrelles allegaes —como les estrelles Bp o les estrelles de mercuriu-manganesu— qu'amuesen peculiaridaes na so composición elemental. La so metalicidá ye comparable a la del Sol.
A 54 segundos d'arcu de Alshat puede reparase una estrella de magnitú 11,8, que se piensa que forma un sistema binariu con ella. La separación ente dambes estrelles ye cimera a 5000 UA. El sistema alcuéntrase a 253 años lluz del Sistema Solar.
Referencies
Categoría:Estrelles Categoría:Subxigantes Categoría:Estrelles binaries Categoría:Constelación de Capricorniu