AO Canum Venaticorum (AO CVn / 20 Canum Venaticorum / HD 115604 / HR 5017)AO Canum Venaticorum (SIMBAD) ye una estrella variable de la constelación de Canes Venatici, la cuarta más brillosa de la mesma. Entá teniendo magnitú aparente +4,72 nun tien denominación de Bayer.
A 286 años lluz de distancia del Sistema Solar, AO Canum Venaticorum ye una xigante blancu-mariella de tipu espectral F3III. Con una temperatura efectivo de 7046 K, ye 88 vegaes más lluminosa que'l Sol. Tien un radiu 5,8 vegaes mayor que'l radiu solar. El so conteníu de fierro ye casi'l doble que'l del Sol. Con una masa de 2,5 mases solares, la so edá envalórase en 600 millones d'años.
Los sos parámetros físicos son similares a la estrella δ Scuti, anque la so lluminosidá ye mayor que la d'ésta. Tamién comparte la so condición de variable pulsante con esta estrella, una y bones AO Canum Venaticorum tamién ye una variable Delta Scuti. L'amplitú de la so variación ye bien pequeña —apenes 0,05 magnitúes—, tando clasificada como una variable Delta Scuti de baxa amplitú. Anque la mayor parte de les estrelles d'esti subtipo son estrelles de la secuencia principal y estrelles de cúmulos abiertos, AO Canum Venaticorum nun axunta nenguna de los dos condiciones. El so periodu d'oscilación ye de namái 2,92 hores.AO Canum Venaticorum (The Bright Star Catalogue)
Referencies
Categoría:Estrelles Categoría:Estrelles variables Categoría:Variables Delta Scuti Categoría:Constelación de Canes Venatici