Atik ye'l nome de la estrella ο Persei (ο Per / 38 Persei / HD 23180)V* omi Per -- Ellipsoidal variable Star (SIMBAD) na constelación de Perséu. El so nome provién del árabe Al-'Atiq, que'l so significáu ye «el costazu de les Pléyades». De magnitú aparente +3,83, alcuéntrase a una incierta distancia de 1475 años lluz del Sistema Solar.
Atik ye una estrella binaria espectroscópica formada por una xigante blancu-azulada de tipu espectral B1III de 22.000 K de temperatura efectivo, y otra estrella de tipu espectral B3V con una temperatura de 18.600 K. La primera ye unes diez veces más lluminosa que la segunda. Dambes estrelles xiren en redol al centru de mases común cada 4,42 díes y tópense tan próximes que la fuercia de marea aburuya la so forma, polo que tienen forma elipsoidal en cuenta d'esférica.
Atik destaca tamién como fonte de rayos X, lo que suxer la esistencia de gases con dos temperatures distintos. Un gas caliente a 3 millones Kelvin probablemente ye producíu cuando los vientos estelares de dambes estrelles topeten. Otru gas, con una temperatura inda más alta de 16 millones K, puede venir de dalgún tipu de corona caliente.
Ver tamién Futurama, serie de dibuxos animaos na que los Omicronianos —habitantes del sistema planetariu de Omicron Persei 8— tienen un papel destacáu.
Referencies
Categoría:Estrelles Categoría:Xigantes azules Categoría:Estrelles binaries Categoría:Constelación de Perséu