Baten Kaitos tamién ye'l nome d'un videoxuegu de rol pa la Nintendo Gamecube
Baten Kaitos (ζ Ceti / 55 Ceti / HD 11353) ye una estrella de la constelación Cetus, la ballena o la bisarma marina. El so nome provién del árabe batn qaytus, «banduyu de la ballena». La so magnitú aparente ye de +3,74.
Baten Kaitos ye una xigante naranxa de tipu espectral K0 III, como munches otres visibles nel cielu, ente elles Pólux (β Geminorum), Arturu (α Bootis) o Deneb Kaitos (β Ceti), ésta última na mesma constelación. Asitiada aproximadamente a 260 años lluz del Sistema Solar, la so lluminosidá ye 260 vegaes mayor que la del Sol y el so radiu ye de 25 radios solares. A diferencia de Deneb Kaitos, que ye una importante fonte emisora de rayos X, Baten Kaitos nun emite esti tipu de radiación.
Baten Kaitos ye una binaria espectroscópica; de la estrella acompañante nada se sabe, salvo'l periodu orbital, que ye de 4,5 años. Coles mesmes, foi catalogada como una estrella de bariu «leve», magar l'efectu debíu al bariu ye bien pequeñu.
Referencies
Zeta Ceti (SIMBAD) Baten Kaitos (Stars, Jim Kaler)
Categoría:Estrelles Categoría:Xigantes naranxes Categoría:Estrelles binaries Categoría:Constelación de Cetus