EE Leonis (GJ 402 / HIP 53020 / LHS 294 / Wolf 358)LHS 294 (SIMBAD) ye una estrella asitiada a 22,2 años lluz del Sistema Solar. Alcontrada na constelación de Leo, ye davezu conocida tantu pol so denominación de variable (EE Leo) como pol so númberu de catálogu Gliese (Gliese 402). Los sistemes estelares más próximos a ella son Gliese 393, a 3,43 años lluz, Gliese 408, a 6,26 años lluz, y Gliese 382, a 6,66 años lluz.Stars within 15 light-years of Wolf 358 (The Internet Stellar Database)
EE Leonis ye, como la gran mayoría de les estrelles de la nuesa redolada, una nana colorada de rellumu débil. Con magnitú aparente +11,66, namái ye observable utilizando telescopiu. Pertenez al tipu espectral M5.0V y tien una temperatura efectivo de 3038 K. Les sos carauterístiques físiques son asemeyaes a les de Ross 128 o Kruger 60 B. La so masa equival a una cuarta parte de la masa del Sol y tien un terciu del so diámetru.Catalogue of Stellar Diameters (CADARS) La so lluminosidá namái supón el 0,091% de la lluminosidá solar.Wolf 358 (The Internet Stellar Database) Xira sobre sigo mesma con una velocidá de rotación proyeutada igual o inferior a 2,3 km/s. Tien un conteníu de metales llixeramente inferior al del Sol, aproximao'l 87% del mesmu. La so edá envalórase ente 150 y 300 millones d'años.
EE Leonis ye miembru de l'Asociación estelar de AB Doradus, l'asociación estelar más cercana a nós. Otros miembros d'esta asociación son AB Doradus —que da nome al grupu— y HD 25457.
Ver tamién Llista d'estrelles cercanes a la Tierra
Referencies
Categoría:Estrelles Categoría:Nanes coloraes Categoría:Constelación de Leo