Épsilon Cephei (ε Cep / 23 Cephei / HD 211336) ye una estrella de magnitú aparente +4,18 na constelación de Cepheus. Recibe'l nome, pocu utilizáu, de Phicares, un antiguu nome feniciu pa la constelación de Cepheus que significa «el que priende fueu». Alcuéntrase a 84 años lluz del Sistema Solar.
Épsilon Cephei ye una estrella blancu-mariella de tipu espectral F0 catalogada como subxigante,Epsilon Cephei (SIMBAD)Epsilon Cephei (The Bright Star Catalogue) magar la so lluminosidá 11 vegaes mayor que la del Sol correspuéndese meyor con una estrella de la secuencia principal.Epsilon Cephei (Jim Kaler, Stars) La so temperatura superficial ye de 7330 K, con un radiu'l doble del radiu solar. La so velocidá de rotación ye de siquier 90 km/s, lo que la lleva a completar un xiru en pocu más d'un día. La so edá envalorada ye d'unos 1000 millones d'años.
Épsilon Cephei ye una estrella variable Delta Scuti. Éstes son variables que presenten cambeos nel so rellumu por cuenta de pulsaciones radiales y non-radiales na so superficie, y pueden considerase cefeides de baxa masa. El rellumu de Épsilon Cephei fluctúa ente +4,15 y +4,21 nun periodu de 1,0 hores, y sobrepuestu a él esiste un segundu periodu de 1,6 hores.
Referencies
Epsilon Cephei Epsilon Cephei Epsilon Cephei Epsilon Cephei