Épsilon Normae (ε Nor / HD 147971)Epsilon Normae -- Star (SIMBAD) ye un sistema estelar asitiáu na constelación de Norma. De magnitú aparente +4,52, ye'l segundu más brillosu na constelación dempués de γ2 Normae. Alcuéntrase, d'alcuerdu al nuevu amenorgamientu de los datos de paralax d'Hipparcos, a 530 años lluz del Sistema Solar.
La estrella principal de Épsilon Normae ye una estrella de la secuencia principal blancu-azulada de tipu espectral B4V o B3V. Con una temperatura superficial de 18.700 K, la so lluminosidá bolométrica —en tol espectru electromagnéticu— ye 2384 vegaes superior a la del Sol. Xira sobre sigo mesma con una velocidá de rotación proyeutada de 165 km/s.Epsilon Normae (Bright Star Catalogue) Tien una masa envalorada de 6,4 - 6,9 mases solares —anque otra fonte asígna-y un valor cimeru de 8,7 mases solares—, siendo la edá averada del sistema 50 millones d'años.
Épsilon Normae constitúi un sistema estelar triple. En primer instancia, ye una binaria espectroscópica con un periodu orbital de 3,2617 díes. Envalórase que la masa d'esta compañera estelar pue ser 3,8 vegaes mayor que la del Sol. La escentricidá de la so órbita ye ε = 0,13. Completa'l sistema una tercer estrella (HD 147970)HD 147970 -- Star in double system (SIMBAD) que la so separación visual al respective de la binaria ye de 22,8 segundos d'arcu. De tipu espectral B9V, la so masa ye 3,8 vegaes mayor que la del Sol. Emplega más de 100.000 años en completar una órbita.
Referencies
Categoría:Estrelles Categoría:Constelación de Norma