Eta Arietis (η Ari / 17 Arietis / HD 13555) ye una estrella de magnitú aparente +5,24eta Ari -- High proper-motion Star (SIMBAD) asitiada na constelación d'Aries. Alcuéntrase a 98 años lluz del Sistema Solar.
Eta Arietis ye una estrella de la secuencia principal de tipu espectral F5V con una temperatura efectivo de 6353 K. Ye 6 vegaes más lluminosa que nuesu Sol y tien un diámetru casi'l doble del diámetru solar. La so velocidá de rotación proyeutada, 9 km/s, ye unes 4 vegaes más rápida que la del Sol. Tien una masa un 30% mayor que la masa solar y la so edá envalórase nunos 3000 millones d'años.
Eta Arietis amuesa una metalicidá, espresada en términos de bayura relativa de fierro, netamente inferior a la del Sol; un estudiu presenta un índiz de metalicidá [Fe/H] = -0,24 y otru amenorga esti valor a [Fe/H] = -0,32, lo que supón un conteníu relativo de fierro la metá que la solar. Esti empobrecimientu ponse tamién de manifiestu pa elementos como sodiu, calciu y níquel, siendo menos acusáu nel casu de magnesiu y aluminiu. Pela so parte, la bayura relativa de titaniu ye similar a la del Sol.
Referencies
Categoría:Estrelles Categoría:Constelación d'Aries