Eta Delphini (η Del / 3 Delphini)Eta Delphini (SIMBAD) ye una estrella na constelación del Delfín. Tien magnitú aparente +5,39 y alcuéntrase a 236 años lluz del Sistema Solar, d'alcuerdu al nuevu amenorgamientu de los datos de paralax d'Hipparcos.
Eta Delphini ye una subxigante blanca de tipu espectral A3IVs, siendo les sos carauterístiques físiques asemeyaes a les de Sarin (δ Herculis). Tien una temperatura superficial de 9057 K y el so radiu ye aproximadamente 2,2 vegaes más grande que'l del Sol.Catalogue of Stellar Diameters (CADARS) (Pasinetti-Fracassini+ 2001) Xira sobre sigo mesma con una velocidá de rotación de siquier 65 km/s, unes 33 vegaes más apriesa que'l Sol. Tien una masa 2,25 vegaes mayor que la del Sol y consumió el 64% de la so vida como estrella de la secuencia principal.
La composición química d'Eta Delphini presenta notables diferencies al respective de la del Sol. Tolos elementos evaluaos son más abondosos que na nuesa estrella; por casu, la bayura relativa de fierro ye 3,6 vegaes mayor que la solar ([Fe/H] = +0,56). Los niveles relativos de sodiu, bariu, itriu y estronciu son entá más altos, siendo esti últimu metal 32 vegaes más abondosa que nel Sol. Nel otru estremu, la bayura relativa d'oxíxenu ye igual a la solar.
A lo último, hai de solliñar qu'Eta Delphini paez ser una estrella binaria, magar nada se sabe sobre'l so posible acompañante. Coles mesmes, ta catalogada como posible variable.
Referencies
Categoría:Estrelles Categoría:Subxigantes Categoría:Estrelles binaries Categoría:Constelación de Delphinus