FH Leonis ye una estrella binaria na constelación de Leo asitiada a 24 minutos d'arcu de ξ Leonis. Alcuéntrase a 383 años lluz del Sistema Solar.
FH Leonis ta compuesta por HD 96273 (HIP 54268) y BD+07 2411B, visualmente a 8,31 segundos d'arcu, lo qu'equival a una distancia ente elles de siquier 936 UA. HD 96273 ye la componente más brillosa del sistema con magnitú aparente +8,70. Ye una estrella blancu-mariella de la secuencia principal de tipu espectral F8 con una temperatura efectivo de 6450 K. Tien una velocidá de rotación mínima de 6,7 km/s, con una metalicidá equivalente al 56% de la solar. Pela so parte, BD+07 2411B ye una nana mariella de tipu G3V y magnitú en banda B +10,6. Con una temperatura de 5875 K, la so velocidá de rotación —5,2 km/s— y metalicidá son bien asemeyaes a les de HD 96273, confirmando la rellación física ente dambes estrelles.
El sistema foi catalogáu como una variable cataclísmica —d'ende'l so denominación de variable FH Leonis— cuando'l satélite Hipparcos rexistró un sópitu aumentu nel so rellumu qu'unvió nunos 13 díes, con un posible segundu eventu 170 díes dempués. Les midíes nun dexen estremar en cual de les dos estrelles prodúxose l'españíu. Posteriores estudios del sistema refuguen el so calter de variable cataclísmica y cuestionen inclusive la so variabilidá. El socesu pudo tar causáu por otru oxetu na mesma llinia de visión, pola interaición magnética con un compañeru invisible, por acrecimientu planetariu o por un socesu de microlente. Tampoco puede escluyise que'l so orixe fuera la contaminación por lluz esvalixao del planeta Xúpiter.
Referencies
<div class="references-small"> V* FH Leo - Cataclysmic Variable Star (SIMBAD) BD+07 2411B - Star in double system (SIMBAD) </div class="references-small">
Categoría:Estrelles Categoría:Nanes marielles Categoría:Estrelles binaries Categoría:Constelación de Leo