Fi1 Pavonis o Phi1 Pavonis (φ1 Pav / HD 195627 / HR 7848)Phi1 Pavonis (SIMBAD) ye una estrella na constelación de Pavu de magnitú aparente +4,76. Asitiada a 91 años lluz del Sistema Solar, el so máximu acercamientu —72 años lluz— va tener llugar dientro de 499.000 años, cuando'l so rellumu va algamar magnitú +4,25.Phi1 Pavonis. Extended Hipparcos Compilation (XHIP) (Anderson+, 2012) Ye miembru de l'Asociación estelar de Tucana-Horologium.
Fi1 Pavonis ye una estrella blancu-mariella de la secuencia principal de tipu espectral F0V de carauterístiques asemeyaes a les componentes de Porrima (γ Virginis). Tien una temperatura de 7000 K y ye unes 8 vegaes más lluminosa que'l Sol. La so masa ye un 50% mayor que la masa solar y tien una edá envalorada de 200 millones d'años. Xira sobre sigo mesma muncho más apriesa que'l Sol, con una velocidá de rotación ecuatorial de siquier 122 km/s. La so metalicidá —bayura d'elementos más pesaos que'l heliu— ye inferior a la del Sol, aproximadamente un 76% de la d'este.
Un escesu na radiación infrarroxa a 70 μm indica la presencia d'un discu de polvu alredor de Fi1 Pavonis. Modelos teóricos predicen una masa averada del discu de polvu alredor de 5 vegaes la masa de la Lluna, tando asitiáu ente 250 y 400 UA de la estrella.
Referencies
Categoría:Estrelles Categoría:Constelación de Pavu