Gamma Persei (γ Per, 23 Persei) ye una estrella binaria na constelación de Perséu de magnitú aparente +2,93.Gamma Persei (SIMBAD) Alcuéntrase a 262 años lluz del Sistema Solar.
Conocida dende va tiempu como una binaria espectroscópica, Gamma Persei foi resuelta por interferometría de moteáu, tando los dos componentes separaes 0,28 segundos d'arcu. La estrella primaria ye una xigante mariella de tipu espectral G8III con una temperatura efectivo de 4900 K. Al igual qu'en Capella A (α Aurigae) o Vindemiatrix (ε Virginis), la enerxía provién de la fusión d'heliu nel so interior. Otra manera, el so acompañante ye una estrella blanca de la secuencia principal de tipu A3V y 9000 K de temperatura, que la so enerxía provién de la fusión del hidróxenu internu. La lluminosidá conxunta del sistema ye 300 vegaes mayor que la del Sol, siendo la estrella xigante notablemente más brillosa que la so compañera. La xigante mariella y el so acompañante tienen una masa de 2,5 y 1,9 mases solares respeutivamente. La edá envalorada d'esti sistema ye de 1900 millones d'años.Gamma Persei (Stars, Jim Kaler)
En 1990 afayóse que, al igual que Algol (β Persei), Gamma Persei ye una binaria eclipsante, magar el so periodu de 14,6 años ye muncho más llargu; el próximu eclís va tener llugar en 2019. Los analises de les observaciones indiquen que la distancia media ente les dos estrelles ye de 10 UA, magar la gran escentricidá de la órbita —comparable a la de Sheratan (β Arietis)—, fai que la separación varie ente 2 UA y 18 UA.
Referencies
Categoría:Estrelles Categoría:Estrelles blanques de la secuencia principal Categoría:Estrelles binaries Categoría:Constelación de Perséu