Gianfar o Giuasar (λ Draconis / λ Dra / 1 Draconis) ye una estrella de la constelación de Draco, el dragón, de magnitú +3,84.Gianfar (The Bright Star Catalogue) Alcuéntrase a 355 años lluz de distancia del Sistema Solar.
Nome El nome de λ Draconis nes sos diverses acepciones —Gianfar, Giansar o Giauzar— puede tener distintos oríxenes: de Al Jauzā, —una pequeña estrella próxima—, de Al Jauzah, «la Central», pola so llocalización a metá de camín ente les estrelles qu'apunten al polu norte celeste y la mesma Estrella Polar, o del persa Ghāuzar, «el Llugar de Venenu», en referencia a los puntos nos que la Lluna intercepta la eclíptica. Otru nome utilizáu ye Juza.
Na astronomía china esta estrella yera conocida como Sang Po o Shaou Po.
Carauterístiques Gianfar ye una xigante colorada de tipu espectral M0IIILambda Draconis (SIMBAD) con una temperatura de 3525 K y una lluminosidá 1870 vegaes mayor que la del Sol. Los datos de temperatura y lluminosidá conducen a un diámetru de 0,55 UA, que nun concasa col valor de 0,37 UA llográu a partir de la midida direuta del so diámetru angular (0,0073 segundos d'arcu).Giausar/Gianfar (Stars, Jim Kaler)
Gianfar ye, amás, una estrella variable semirregular, que la so magnitú varia ente +3,78 y +3,86. Paez que s'atopa na caña asintótica xigante, una fase na so evolución estelar onde ta rellumando como una estrella xigante per segunda vegada. Con un nucleu inerte de carbonu, la estrella va empezar a púlsar con más fuercia mientres se preparar pa refundiar les sos capes esteriores y convertise nuna nana blanca.
Referencies
Categoría:Estrelles Categoría:Xigantes coloraes Categoría:Estrelles variables Categoría:Variables semirregulares Categoría:Constelación de Draco