Gliese 167 (GJ 167 / HD 27274 / HIP 19884)LHS 1650 -- High proper-motion Star (SIMBAD) ye una estrella de magnitú aparente +7,64 na constelación austral de Doráu, asitiada a 42,8 años lluz del Sistema Solar. Ente les estrelles cercanes a Gliese 167 alcuéntrase ζ Doradus, distante pocu más de 7 años lluz d'ella.Stars within 15 light-years of Cordoba Durchmusterung -53°672 (The Internet Stellar Database)
Gliese 167 ye una nana naranxa de tipu espectral K4.5Vk, una estrella de la secuencia principal que llogra la so enerxía a partir de la fusión del hidróxenu. Más fría que'l Sol —la so temperatura superficial ye de 4557 K— relluma con una lluminosidá visual equivalente al 13% de la lluminosidá solar.Cape Photographic Durchmusterung -53°672 (The Internet Stellar Database) De carauterístiques físiques similares a les de ε Indi, pero cuatro vegaes más alloñada qu'ésta, tien el 74% de la masa solar y el so diámetru correspuende al 71% del que tien el Sol. Xira amodo sobre sigo mesma con una velocidá de rotación proyeutada de 1,0 km/s y nun amuesa actividá cromosférica.
El so índiz de metalicidá ([Fe/H] = -0,15), calculáu a partir de la so posición na diagrama color-magnitú absoluta, revela un conteníu metálico —entendiendo por metales aquellos elementos más pesaos que'l heliu— inferior a la solar.
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes naranxes Categoría:Constelación de Doráu