Gliese 435 (GJ 435 / HD 101581 / HIP 56998)LHS 2441 -- High proper-motion Star (SIMBAD) ye una estrella de magnitú aparente +7,75 na constelación de Centauru, distante 40,8 años lluz del Sistema Solar. Ente les estrelles más cercanes a Gliese 435 ta Gliese 431; el sistema estelar HD 102365 alcuéntrase a daqué menos de 11 años lluz d'ella.Stars within 15 light-years of Cordoba Durchmusterung -43°7228 (The Internet Stellar Database)
Gliese 435 ye una nana naranxa de tipu espectral K4.5V. Más fría que'l Sol —la so temperatura superficial ye de 4740 ~ K— relluma con una lluminosidá equivalente al 14% de la lluminosidá solar. De carauterístiques físiques similares a les de ε Indi —pero cuatro vegaes más alloñada qu'ésta—, tien el 67% de la masa solar y el so diámetru correspuende al 65% del que tien el Sol. Xira sobre sigo mesma con una velocidá de rotación proyeutada de 5,0 km/s.
Anque nun esiste unanimidá tocantes a la so metalicidá, lo que si ta claro que ye bien inferior a la solar. Una fonte señala un índiz de metalicidá de [Fe/H] = -0,52, ente qu'otra amenorga esti parámetru a [Fe/H] = -0,93; esta última cifra supondría una bayura relativa de metales en redol al 12% de l'atopada nel Sol.
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes naranxes Categoría:Constelación de Centaurus