Gliese 656 (GJ 656 / HD 154577 / HIP 83990)LHS 3268 -- High proper-motion Star (SIMBAD) ye una estrella de magnitú aparente +7,41. Ta encuadrada na constelación d'Ara, l'altar, y alcuéntrase a 44,6 años lluz del Sistema Solar. Gliese 615 alcuéntrase a 6,1 años lluz d'ella.Stars within 15 light-years of Cape Photographic Durchmusterung -60°6718 (The Internet Stellar Database)
Gliese 656 ye una nana naranxa de tipu espectral K2.5Vk, una estrella de la secuencia principal que llogra la so enerxía a partir de la fusión del hidróxenu. Más fría que'l Sol —la so temperatura superficial ye de 4881 K—, relluma con una lluminosidá equivalente al 22% de la lluminosidá solar. De carauterístiques físiques similares a les de ε Indi o 61 Cygni A, tien el 69% de la masa solar y el so diámetru correspuende al 68% del que tien el Sol. Magar paez ser una estrella más antigua que'l Sol, nun esiste consensu tocantes a la so edá; mientres un estudiu señala una edá de 4960 millones d'años —casi 400 millones d'años más que'l Sol—, otru aumenta esta cifra hasta los 6600 millones d'años.
Gliese 656 amuesa un índiz de metalicidá bien baxu ([Fe/H] = -0,56), siendo'l so conteníu metálico —entendiendo por metales aquellos elementos más pesaos que'l heliu— igual al 28% de la solar. Metales como sodiu, níquel y fierro son muncho más escasos que na nuesa estrella; como exemplu, la bayura d'esti últimu elementu ye namái un 20% de la esistente nel Sol. Coles mesmes, nun se detectó escesu nel infrarroxu que pudiera indicar la presencia d'un discu circumestelar de polvu.
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes naranxes Categoría:Constelación d'Ara