Gliese 784 (GJ 784 / HD 191849 / HIP 99701)LHS 3531 - High proper-motion Star (SIMBAD) ye una estrella na constelación de Saxitariu asitiada mui cerca de la llende con Telescopium, a pocu más de 3º de κ2 Sagittarii. Alcuéntrase a 20,2 años lluz de distancia, siendo una de les 100 estrelles más cercanes al Sistema Solar. La so magnitú aparente ye +7,97.
Gliese 784 ye una nana colorada de tipu espectral M0.0V —enantes catalogada como K7— con una temperatura efectivo de 3930 K. Tien una masa envalorada de 0,58 mases solaresThe One Hundred Nearest Star Systems (RECONS) y un radiu equivalente a 2/3 del radiu solar. La so lluminosidá bolométrica equival al 6% de la lluminosidá solar; anque comparativamente col Sol ye una cifra baxa, Gliese 784 ye 32 vegaes más lluminosa que Proxima Centauri y 13 vegaes más que Ross 154, nana colorada tamién en Saxitariu. Les sos carauterístiques físiques son bien similares a les de Lacaille 8760 pero, a diferencia d'ésta, nun ta clasificada como estrella acandilante, magar hai nicios de que puede ser una estrella variable.NSV 25053 (General Catalogue of Variable Stars)
Les estrelles más cercanes a Gliese 784 son Gliese 783, a 3,2 años lluz, y Gliese 754, a 3,8 años lluz.Stars within 15 light-years of Cordoba Durchmusterung -45°13677 (The Internet Stellar Database) La brillosa δ Pavonis alcuéntrase a 7,3 años lluz de Gliese 784.
Referencies
Categoría:Estrelles Categoría:Nanes coloraes Categoría:Constelación de Saxitariu