Hadar o Agena (Beta Centauri / β Cen)Beta Centauri (SIMBAD) ye la segunda estrella más brillosa de la constelación de Centaurus y la décima del firmamentu. La so magnitú aparente ye +0,60.
Nome
El nome de Hadar ye d'orixe árabe y el so significáu ye inciertu; pa dellos autores significa «suelu». L'otru nome de la estrella, Agena, provién del llatín y significa «la rodía (del centauru)». El nome de Wazn, del árabe «pesu», paez que s'utilizó pa designar a Alfa y Beta Centauri, según a estrelles de les constelaciones de Columba y Canis Major; na actualidá ye'l nome habitual de la estrella δ Canis Majoris.
Carauterístiques físiques
Asitiada a una distancia ente 350 y 392 años lluz de distancia, Hadar figura clasificada nos catálogos como una xigante blancu-azuladaAgena (The Bright Star Catalogue) de magnitú absoluta -5,42,Les 150 estrelles más lluminoses nel catálogu Hipparcos intrínsecamente muncho más lluminosa que Alfa Centauri pero 90 vegaes más alloñada qu'ésta. En 1935, Joan Voûte afayó que Hadar ye una estrella doble, asignándo-y l'identificador VOU 31. La estrella más tenue del par, Hadar B, tien tipu espectral B8 y magnitú 4, tando dixebrada de la estrella primaria siquier 120 unidaes astronómiques (ua). El so periodu orbital ye igual o superior a 225 años.Hadar (Stars, Jim Kaler)
La estrella principal, Hadar A, ye, de la mesma una binaria espectroscópica, siendo dambes componentes casi idéntiques y de tipu espectral B1 o B2. Con un periodu orbital de 357 díes, la órbita ye bien escéntrica, faciendo que la separación ente dambes varie ente 0,53 y 5,5 ua; la mínima separación tuvo llugar en febreru de 2000. La velocidá de rotación midida —igual o mayor de 140 km/s—, xunto col so diámetru —9 vegaes el del Sol—, dan como resultáu un periodu de rotación inferior a 3 díes pa una de les estrelles siquier. De la mesma, una o les dos estrelles son variables del tipu Beta Cephei con dos periodos de 3,2 y 5,3 hores. La proximidá ente les dos estrelles fai que sían una fonte de rayos X, por cuenta de la esistencia de vientos estelares que la so temperatura algama los 2 millones de K. Caúna tien una masa de 14,7 mases solares —anque otru estudiu señala mases inferiores de 10,7 y 10,3 mases solares—, y piénsase qu'en realidá nun son xigantes sinón estrelles qu'entá funden hidróxenu en heliu, anque probablemente quéde-yos pocu tiempu enantes de abanadonar la secuencia principal. Darréu van espandise en xigantes coloraes y con seguridá la evolución de caúna d'elles va afectar fondamente a la otra.
Ver tamién Llista d'estrelles más brilloses Estrella (náutica)
Referencies
Categoría:Estrelles Categoría:Xigantes azules Categoría:Estrelles variables Categoría:Variables Beta Cephei Categoría:Constelación de Centaurus